Seiten

Sonntag, 9. März 2014

Start of 3rd tri! :O

Hallihallo mini liäbe Lütlis deheime :)

Ich han die erst Schuelwuche hinder mir. Ich mues sege, es isch die best gsi vo dene 3. Es liit wahtschindlich au dra, dass i jedere Klass bekannti gsichter gha het :D
Mini Klasse sind: ersti Stund Spanisch. Die Lehrerin isch viel besser, willmer au würklich Spanisch redet. Zweiti Stund hanni Outdoor Ed, det gemmer immer use, im Moment go Ski/Snowboardfahre ah dem Hüeli da in Grand Haven. Es duet richtig guet mal echli dusse sii und isch e super Abwechslig zum immer normale ide Schuelbänk sitze :D denn hanni American History und America Literature, i beidne Klasse simmer grad chli de zweit Weltchrieg am dureneh, was ziemlich deprimierend isch. Ide Letschte Stund hanni Yoga, det chemmemer immer Ziit über zum entspanne und es het mega netti Lüüt :) Ich bin recht zfriede mit min Stundeplan. Nechst Wuche fangt Tennis ah und leider, leider chemmer ja ned use, das heisst Morge Practice vom 6i bis am 7i Juhuiii ^^ Und das jede Tag. Zudem hannich kei ahnig meh wie Tennis spiele, und bim Meeting am Fritig het de nur so mit Begriff um sich gworfe wommer leider rein gar nüt gseit hend :p haha naja, zum Glück hanni es Meitli troffe, wo mit mir am Lunch sitzt und eini woni vorher i Art und Design gsi bin. Es sind ebbe um die 40-50 im team...
Die Wuche bini au serst Mal Auto gfahre. Zwar nur ufeme Parkplatz aber ich bin fast gstorbe vor Angst irgendwo inezfahre. Aber isch alles ganz blibe :D Aber pssssst! ich glaub das isch gege d Regle gsi ^^
Suscht, was selli sege, mir gahts grad richtig, richtig guet und ich wott grad gar ned hei :D und es isch scho sletschte Trimester :/ dZiit flügt wie immer... Aber ich Live the moment! Ich gnüsses und hoffe es wird denn etz endlich mal echli wärmer demit ich de Früehlig gnüsse chan :P Will ich find über d Helfti vo dere Ziit woni da bin, Schnee zha, isch scho chlli viel ^^
Machets alli guet. :*

Keine Kommentare:

Kommentar veröffentlichen