Halloween :D

Das isch ja mal e Wuche gsi... Immer todmüed :P haha also, am Sunntig bini ja wie aakündigt zude Party bide Sue gange. Zerst hemmer Kürbis gschnitzt.Denn hemmer chli gesse und gvotet wer de besti Kürbis und s beste Kostüm het. Leider sind nur 5 verchleidet gsi... De best Kürbis hett d Anna gha und de Adrian sbeschte Zombie kostüm. Het echt gruselig usgseh.

Später simmer ine haunted Hall. Das isch eigentlich so wie e Geisterbahn wo du durelaufsch und d Lüt eim verschrecket und so. Isch echt guet gsi.

Am Dunntstig isch denn wükli Halloween gsi. Ide Schuel hend sich au scho es paar verchleidet. Ich bin mit den Anna und em Adrian zu Sniders Huus und denn simmer zerst emal go trick and treating. Aso vo Huus zu Huus go süessigkeite abhole. De Adrian isch als Emo gange und all hend gmeint er isch es meitli :'D.
D Lüüt sind echt u nett und hend froid gha dasmer chemed und sich dafür bedankt! Ein Maa het sogar es Foti welle. Dadefür hemmer müsse i sis unheimliche riese Huus :P Isch schochli creepy gsi und ich han zerst ned recht gwüsst ebbi ine sell...  aber isch herzig gsi..:D Nachdem mer es Ziitli im rege um d Hüüser zoge sind simmer hei zu Sniders und hend gesse :) denn simmer abe und hend chli Billiard gspielt und gamed mit de Jungs. U schnell isch denn au scho 10ii gsi... Und eigentlich hetti ja söle lehre... Aber naja, anders isch da wichtiger :D