Camp :)

So, nachdems am afang ziemlich astrengend gsi isch immer noii Lüt kennelehre und vorallem immer s glich verzelle, hanni mi super iglebt und chamer gar ned vorstelle übermorn scho wieder zgah. Ade meiste Täg hemmer 4 stund Schuel gha, wo recht unnötig sind, will eh all s glich verzelled. Naja aber s het eim guet mitm Englisch vorbereitet und so. Am Sunntig simmer en Usflug uf Boston go mache, und hend dete Frei gha :) am Mäntig Abig simmer uf sone Amerikanischi Rollschuehbahn und am Zistig hemmer en Tagesusflug nach Newport gmacht, wos so warm gsi isch, dasmer guet hend chene im Meer bade. Det isch au d Feriestimmig so wükli uf cho. Ich duen denn no Fotis ine, sobald i mal Zit han ;)
Am Samsig morge früeh gahts los nach Chicago und denn uf Muskegon, MI. Ich wird ned grad viel Schlaf übercho, und da ich am Abig na as Festival gah, wirds en lange und astrengende Tag. Aber ich froi mi! :)